Hain aur bhi duniya mein sukhan-war bahut achchhe

hai bas-ki har ek un ke ishaare mein nishan aur 

karte hain mohabbat to guzarta hai guman aur 

ya-Rab wo na samjhe hain na samjhenge meri baat 

de aur dil un ko jo na de mujh ko zaban aur 

abru se hai kya us nigah-e-naaz ko paiwand 

hai tir muqarrar magar is ki hai kaman aur 

tum shahr mein ho to hamein kya gham jab uthenge 

le aaenge bazar se ja kar dil o jaan aur 

har chand subuk-dast hue but-shikani mein 

hum hain to abhi rah mein hai sang-e-giran aur 

hai khun-e-jigar josh mein dil khol ke rota 

hote jo kai dida-e-khun-naba-fishan aur 

marta hun is aawaz pe har chand sar ud jae 

jallad ko lekin wo kahe jaen ki han aur 

logon ko hai khurshid-e-jahan-tab ka dhoka 

har roz dikhata hun main ek dagh-e-nihan aur 

leta na agar dil tumhein deta koi dam chain 

karta jo na marta koi din aah-o-fughan aur 

pate nahin jab rah to chadh jate hain nale 

rukti hai meri taba to hoti hai rawan aur 

hain aur bhi duniya mein sukhan-war bahut achchhe 

kahte hain ki 'Ghaalib' ka hai andaz-e-bayan aur

-- Asadullah Khan Ghalib (Mirza Ghalib)

List of colonies with category in Delhi

Colonies in Delhi are categories to identify the circle rate and other things. Here we have published the list of colonies and there category and zone in New Delhi area as published by government of Delhi. If you want to calculate the circle rate of any property in these area, you may use the official site of Delhi govt to calulate and know the exact and current circle rate. Circle rate is helps property buyer and seller to identify and analyze the cost of the property.