Hissa

Hum mehnatkash jagwaalon se jab apna hissa maangenge
Ek khet nahin, ek desh nahin, hum saari duniya maangenge

Yaan sagar sagar moti hain, yaan parbat parbat heere hain
Yeh saaraa maal hamaara hai, hum saara khazaana maangenge

Jo khoon baha, jo baag ujde, jo geet dilon mein qatl hue
Har qatre ka, har ghunche ka, har geet ka badla maangenge

Se seth byopaari rajwaade dus laakh to hum das laakh karod
Yeh kitne din America se jeene ka sahaara maangenge

Jab saf seedhi ho jaayegi, jab sab jhagde mit jaayenge
Ham har ik desh ke jhande par ik laal sitaara maangenge

-- Faiz Ahmed Faiz